Plantun de Prouvènço

Pèr coumpara dos planto d'encò nostre

Polypodium vulgare & Arenaria grandiflora

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Lineto(-di-gràndi-flour)

Arenaria grandiflora

Caryophyllaceae

Nom en français : Sabline à grandes fleurs.

Descripcioun :
Lineto, pulèu raro, que fai de gròssi mato dins lis esboudèu e li paret de roucas. Se recounèis à si flour pulèu grando pèr uno lineto e souleto sus si cambo (au contro de Arenaria aggregata qu'es en tèsto sarrado) e à si fueio pounchudo. Coumpara emé la lineto-agroumelado que ié sèmblo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 (50) cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Arenaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 12 à 20 mm
Flourido : Printèms - Estiéu

Sòu : Ca (Si)
Autour basso e auto : 100 à 2600 m
Aparado : Noun
Mai à avoust

Liò : Roucaio - Tepiero seco - Esboudèu
Estànci : Subremediterran à Aupen
Couroulougi : Ouroufito-Sud-Éuropenco
Ref. sc. : Arenaria grandiflora L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polypodium vulgare & Arenaria grandiflora

ges

RRR

Coumpara Regalisso-bastardo emé uno autro planto

Coumpara Lineto(-di-gràndi-flour) emé uno autro planto